Kandidatët për president të Shteteve të Bashkuara të Amerikës, Donald Trump dhe Kamala Harris u përballën për herë të parë në debatin presidencial në mbrëmjen e së martës, sipas kohës në Filadelfia.
Përgjatë debatit 90-minutësh, kandidatja demokrate shpesh sulmoi ish-presidentin Trump me sulme personale duke nxehur debatin. Trumpi u përball me sulme mbi turmat në fushatë, sjelljen në trazirat e Capitolit dhe për zyrtarët që dikur shërbyen në administratën e tij, por më pas e kritikuan.
Debati vazhdonte me goditjet që Harrisi ia bënte kandidatit republikan e ai përgjigjen duke rritur zërin herë pas here e duke lëkundur kokën.
Harrisi në një çast iu drejtua Trumpit duke thënë se njerëzit ia lëshojnë tubimet sepse “mërziten e bëhen bajat”.
Këto dhe sulmet tjera të Harrisit, sipas një sondazhi online të CNN-it gjatë debatit, bënë që ajo të konsiderohet fituese. Performanca e saj u vlerësua si fituese nga 63 për qind e të anketuarve, ndërsa 37 për qind votuan për Trumpin.
Para debatit, votuesit e njëjtë ishin ndarë në 50-50 në pritjet se kush do ta fitojë debatin.
Rezultati përbën ndryshim të dukshëm nga debati i qershorit, në të cilin Trumpi kishte marrë 67 për qind e Joe Bideni 33. Ky debat konsiderohej edhe nisma që ndaj Bidenit të shtohej presioni e më pas ai u tërhoq nga gara për një mandat të ri duke i lënë hapësirën Harrisit.
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…