Ministri rus i Punëve të Jashtme, Sergey Lavrov, e krahasoi qasjen e vendeve perëndimore ndaj problemit të Serbisë me Kosovën me Marrëveshjen e Minskut për Ukrainën, raporton agjencia shtetërore ruse e lajmeve RIA Novosti.
Takimi i rrallë i liderëve rusë, ukrainas, gjermanë dhe francezë kishte për qëllim vendosjen e paqes në zonat e Ukrainës që u pushtuan nga separatistët pro-rusë më 2014-n. Megjithatë, Marrëveshja e Minskut nuk u zbatua kurrë plotësisht në praktikë dhe çështjet kryesore të saj ende nuk janë zgjidhur.
“E njëjta histori: mashtrimi i serbëve në lidhje me komunitetin e komunave serbe në Kosovë, mashtrimi i Rusisë në lidhje me marrëveshjet e Minskut”, ka thënë Lavrov në New Delhi, ku aktualisht po merr pjesë në një takim të krerëve të diplomacisë së shteteve anëtare të G20-s.
Lavrov beson se vendet perëndimore nuk kanë ndërmend të zbatojnë marrëveshjet që kanë të bëjnë me serbët në Kosovë, ashtu siç nuk ishin të gatshme të përmbushin kërkesat e Marrëveshjes së Minskut. Ai shtoi se nënshkruesit e Marrëveshjeve të Minskut e pranuan sinqerisht se këto marrëveshje ishin të nevojshme për t’u përgatitur për luftë kundër Rusisë. Versioni i rishikuar i Marrëveshjes së Minskut u nënshkrua në shkurt 2015 në kryeqytetin e Bjellorusisë.
Irani ka njoftuar se ka pezulluar operacionet ushtarake kundër Izraelit, por ka paralajmëruar se do…
Zgjedhjet e parakohshme parlamentare të mbajtura dje në Kosovë kanë regjistruar pjesëmarrjen më të ulët…
Numërimi i afrohet 100 përqëindëshit: LVV 43,03 %, PDK 21.21 %, LDK 17.68 % dhe…
Lëvizja Vetëvendosje vazhdon të prijë në rezultatet preliminare të procesuara nga Komisioni Qendror i Zgjedhjeve…
Sot në Kosova janë mbajtur zgjedhjet e jashtëzakonshme parlamentare. Lidhur me këtë, është publikuar Exit…
Pamje të nxjerra jashtë kontekstit, imazhe të krijuara me Inteligjencë Artificiale dhe narrativa gjeopolitike u…