Tre persona me rrezikshmëri sipas policisë janë arrestuar në fshatin Çlirim në një makinë të blinduar, e cila është sekuestruar së bashku me 2 armë zjarri, municion luftarak dhe 2 armë të ftohta. Të arrestuarit janë;
•Sh. K., 33 vjeç, banues në Fier, i dënuar më parë për armëmbajtje pa leje;•A. B., 35 vjeç, banues në Fier;
•R. L., 20 vjeç, banues në Fier;
Sipas policisë, gjatë kontrollit të ushtruar në fshatin Çlirim, Fier në mjetin e blinduar ‘Audi A8’, i cili drejtohej nga R. L. poshtë sediljes së parë të pasagjerit, ku ishte ulur Sh. K. u gjetën dhe sekuestruan 2 armë zjarri tip pistoletë dhe 2 krehra me 24 fishekë.
Gjatë kontrollit personal, 20-vjeçarit me inicialet R. L. iu gjet dhe sekuestrua një mjet prerës (thikë), që e kishte në çantën e dorës. Gjithashtu, gjatë kontrollit të ushtruar ndaj 35-vjeçarit me inicialet A. B. u gjet dhe u sekuestrua një mjet prerës (thikë).
Në total u sekuestruan në cilësinë e provës materiale 2 pistoleta, 2 krehra me 24 fishekë, 2 thikat dhe automjeti i blinduar Audi A8. Materialet i kaluan Prokurorisë pranë Gjykatës së Shkallës Parë Fier, për veprat penale “Armëmbajtje pa leje” dhe “Mbajtja pa leje e armëve të ftohta”.
Irani ka lëshuar raketa balistike drejt bazave ushtarake amerikane në Kuvajt dhe Bahrejn, pasi Shtetet…
Në rrjetet sociale kanë nisur të qarkullojnë video të prodhuara me inteligjencë artificiale, në stilin…
Izraeli vendosi fshehurazi njësi elitare ushtarake dhe të inteligjencës në Azerbajxhan gjatë luftës me Iranin,…
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…