Rusia dërgoi dy avionë me kapacitete bërthamore për të patrulluar qiejt mbi Bjellorusi, një lëvizje kjo që synon të tregojë lidhjet e ngushta mes dy aleatëve, në kohë tensionesh me Perëndimin.
Ministria ruse e Mbrojtjes deklaroi se avionët bombardues praktikuan një mision të përbashkët me forcat ajrore bjelloruse.
Kjo, pasi avionë të tipit “Su-30”, me të cilat Moska ka furnizuar Minskun, shoqëruan avionët rusë.
Patrullimi që zgjati 4 orë shënoi misionin e tretë rus në Bjellorusi që prej muajit të kaluar dhe u krye teksa Perëndimi vijon të jetë i shqetësuar nga prania ruse në kufi me Ukrainën.
Ndërkohë, e ashtuquajtura ‘luftë hibride’ vazhdon. Një zëdhënëse e qeverisë polake njoftoi se në lokalitetit Çeremka, një grup emigrantësh u përpoqën të kalonin kufirin.
Sipas zyrtares, forcat bjelloruse në kufi përdorën lazer dhe drita verbuese ndaj ushtarëve polakë dhe rojeve kufitare.
Këtë muaj, garda kufitare polake raportoi rreth 1.200 përpjekje për të kaluar ilegalisht kufirin nga Bjellorusia për në Poloni, ndërkohë që gjatë gjithë vitit rastet kanë qenë 39 mijë.
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…