tony Blinken paralajmëroi për pasojat nëse Kina ofron mbështetje për pushtimin rus të Ukrainës, duke thënë në një intervistë pas takimit të të dyve se Uashingtoni ishte i shqetësuar se Pekini po shqyrtonte furnizimin me armë në Moskë.
Diplomatët u takuan në konferencën globale të sigurisë në Mynih, vetëm disa orë pasi Wang e cilësoi reagimin e Uashingtonit si histerik lidhur me reagimin për balonën e rrëzuar në SHBA.
Marrëdhëniet mes dy vendeve kanë qenë të tensionuara që kur Uashingtoni rrëzoi balonën e dyshuar spiune kineze.
Në një intervistë për NBC News, Blinken tha se SHBA-të ishin shumë të shqetësuara që Kina po shqyrton ofrimin e mbështetjes për Rusinë dhe se ai ia bëri të qartë Wang se “do të kishte pasoja të rënda në marrëdhënien tonë”.
Wang i tha Blinken se SHBA duhet të “përballen dhe të zgjidhin dëmin” në marrëdhëniet dypalëshe. Një zyrtar i lartë i DASH tha se Kina po përpiqej të luante me të dy krahët duke pretenduar se dëshiron të kontribuojë për paqen dhe stabilitetin, por në të njëjtën kohë duke ndërmarrë hapa shqetësues për të mbështetur pushtimin rus të Ukrainës.
Kryeministri i Pakistanit, Shehbaz Sharif, ka bërë të ditur se negociatat ndërmjet Shteteve të Bashkuara…
Forcat amerikane rrëzuan shumë drone sulmuese iraniane me një drejtim që po shkonin drejt ngushticës…
Elon Musk u bë të premten trilioneri i parë në botë, pasi aksionet në kompaninë…
Presidenti amerikan Donald Trump ka deklaruar se, në një skenar përballjeje me Iranin, preferenca e…
Pikërisht në ditën kur para 27 vjetësh NATO kishte hyrë në Kosovë duke nisur misionin…
Numërimi i votave të diasporës ka sjellë ndryshime në projektimin e ndarjes së mandateve në…