Analisti politik Uk Lushi, ka vlerësuar lartë ftesën e emisarit special Richard Grenell ndaj palës kosovare dhe asaj serbe për takim në Shtëpinë e Bardhë.
Ai thotë se kjo duhet përshëndetur ngase tregon interes dhe vëmendje që Washingtoni zyrtar po i jep këtij problem.
”Duhet të përshëndetet nga e gjithë bota, sepse tregon interesin maksimal që Washingtoni zyrtar po i jep kësaj çështje dhe zgjidhjes së këtij problem”.
”Ky është një lajm i mirë edhe për krejt kontinentin e Europës, sepse ka rëndësi”.
Çka nëse nga ky takim, rezulton një marrëveshje mes Kosovës e Serbisë?
”Paqja është një process, nuk është aktvendim. Natyrisht që finalizohet në fund nga marrëveshja që jepet nga palët”.
”Si do të hidhen hapat e ardhshëm deri tek mundësia që të arrihet paqja e të zgjidhen problemet mes Kosovës e Serbisë, sepse aspekti protokolar mund të ndryshojë me kohë”.
”Sepse vetëm dy njerëz as Kosovën e as Serbinë s’mund ta përfaqësojnë”.
