Presidenti francez Emmanuel Macron po mbledh liderët evropianë për një samit urgjent në Paris të hënën, kështu tha kryediplomati polak, Radoslaë Sikorski gjatë Konferencës së Sigurisë në Mynih.
Sikorski është shprehur i lumtur me ftesën e Macron, ku edhe pret që liderët evropianë të diskutojnë ‘në një mënyrë shumë serioze’ për sfidat e paraqitura nga presidenti amerikan Donald Trump.
“Presidenti Trump ka një metodë operimi që rusët e quajnë razvedka boyem — zbulim përmes betejës: Ti shtyn përpara dhe sheh çfarë ndodh, pastaj ndryshon pozicionin tënd… Dhe ne duhet të reagojmë,” tha ministri polak.
Sipas dy zyrtarëve të BE-së, takimi do të zhvillohet të hënën, shkruan Politico.eu.
Nuk është ende e qartë nëse takimi do të përfshijë të gjithë liderët e BE-së apo vetëm një grup më të vogël vendesh. Po ashtu nuk dihet nëse do të ftohet edhe Kryeministri i Mbretërisë së Bashkuar, Keir Starmer.
Kryediplomati francez, Jean Noel Barrot, i cili ishte afër Sikorskit në Konferencën e Sigurisë në Mynih, as nuk e konfirmoi dhe as nuk e mohoi këtë samit.
Më vonë, Sikorski tha se Kryeministri polak, Donald Tusk, do të udhëtojë të hënën në Paris me ftesë të Macron-it për takimin.
“Ne duhet të tregojmë forcën dhe unitetin tonë,” tha Sikorski në një postim në rrjetet sociale.
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…