Vrasja e zyrtarit të Policisë së Kosovës, Muhamet Lika, më 1 prill, në hyrje të banesës së tij në Kaçanik, ka tronditur opinionin e gjerë dhe ka lënë një plagë të thellë në familjen e tij.
Në një rrëfim prekës për Indeksonline, bashkëshortja e tij, Violeta Mulaku-Lika, ndan momentet e fundit të jetës së Muhametit dhe dhimbjen që po e shoqëron çdo ditë.
“Në ato momente isha në banesë. Kur erdhi ndihma e shpejtë, e kuptova që ishte ai… kur e pashë me uniformë. S’kam fjalë… shumë keq, pa pritë e pa kujtu,”, th a ajo me zërin që i dridhej.
Muhameti ishte vrarë me armë zjarri, ndërsa po kthehej nga detyra. Violeta kujton me mall edhe fjalët e fundit që ndanë bashkë:
“Biseda e fundit ishte: ‘Nesër jam në punë paradite, e kemi me pi nga një kafe bashkë në mëngjes.’”, tregon ajo.
Ajo tregon se asnjëherë nuk kishte pasur ndonjë arsye për të dyshuar se bashkëshorti i saj mund të ishte në rrezik. Sipas saj, ai nuk kishte pasur probleme me askënd dhe asnjë shenjë paralajmëruese nuk kishte dalë në sipërfaqe.
“As edhe një mesazh s’ka ardhur ndonjëherë. S’ka ndryshuar kurrë sjellja e tij. Ai ka qenë i pastër.”
Violeta reagoi gjithashtu ndaj zërave që dolën në opinion pas vrasjes, të cilat sugjeronin një lidhje jashtëmartesore të Muhametit , pretendime që ajo i mohon kategorikisht.
“Janë shpifje. Ai që e ka thënë, le ta thotë me fytyrë. Nuk është aspak e vërtetë. Ai ka qenë më i pastri që ekziston.”
Dhimbja e saj është e dyfishtë – jo vetëm për humbjen, por edhe për ëndrrat dhe planet e përbashkëta që u ndërprenë në mes.
“Donim të bëheshim prindër. Kishim plane me u shpërngul në banesën e re, me zgjeru biznesin… gjithçka e kishim ndërtuar bashkë.”
E pyetur për të arrestuarit në lidhje me vrasjen, Violeta shprehet:
“Disa prej tyre i njoh, por ai s’ka pasur asnjë lidhje me ta. Vetëm njëri ka punuar për ne për rreth dy vjet. Ata që e kanë bërë, le të marrin dënimin e merituar.”
Në fund, ajo e mbyll rrëfimin me një dhimbje të thellë që nuk shuhet:
“Më mungon çdo sekondë. Kam qenë shumë e lidhur me të. Gjithçka kemi bërë bashkë.”
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…