Deobra Redden, 31 vjeç, është dënuar për sulmin ndaj gjyqtares Mary Kay Holthus, një ngjarje që ndodhi në janar të këtij viti, video e të cilit u bë mjaft virale. Redden po priste të njihej me dënimin për tentativë sulmi, kur gjatë seancës gjyqësore ai kërceu dhe kaloi mbi tavolinën e gjyqtares dhe e sulmoi atë, duke i shkaktuar disa lëndime, por jo të rënda. Sulmi u filmua dhe shpërnda në media, duke marrë vëmendje të gjerë publike.
Pasi sulmit, Redden u paraqit sërish për të marrë dënimin, dhe gjyqtarja Holthus i dha një dënim prej 19 deri në 48 muaj burg për akuzën fillestare të tentativës për sulm. Por, pas ngjarjes, Redden u akuzua edhe për tentativë vrasjeje ndaj gjyqtares dhe një juri e madhe e ngriti aktakuzën kundër tij. Në shtator të këtij viti, Redden pranoi fajësinë, duke deklaruar se ishte “fajtor, por me probleme mendore.”
Më 10 dhjetor, Redden u paraqit para gjyqtares Susan Johnson, e cila e dënoi atë me një periudhë burgimi që varion nga 26 deri në 65 vjet për sulmin ndaj gjyqtares Holthus. Gjyqtarja Johnson e cilësoi veprimin e Redden si një sulm jo vetëm ndaj gjyqtares, por edhe ndaj sistemit të drejtësisë. Ajo theksoi rëndësinë e mbrojtjes së integritetit të institucioneve ligjore.
Pas dënimit, Redden kërkoi mëshirë dhe tha se nuk ishte një person i keq dhe se nuk kishte pasur qëllim të vriste gjyqtaren. Redden mund të kërkojë mundësinë e lirimit me kusht pas vitit 2050.
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…
Një efektiv i Policisë së Shtetit u vra dhe një tjetër u plagos gjatë një…