Greqia është vendi i parë ortodoks që lejoi martesat e homoseksualëve
Dasma e parë e një çifti të të njëjtit gjini në Greqi është kryer në bashkinë e lagjes Nea Smirni në Athinë, në një ceremoni ku kanë marrë pjesë vetëm persona nga rrethi i ngushtë familjar.
Parlamenti grek menjëherë sapo miratoi me shumicë votash projektligjin që lejon martesat e homoseksualëve, Stavros Gavriliadis dhe Dimitris Elefsiniotis, nuk kanë humbur kohë dhe janë martuar.
Ata jetonin së bashku prej 20 vitesh, kishin blerë një shtëpi dhe kishin tre fëmijë. Ligji i mëparshëm njihte vetëm një prej prindërve që ishte babai i tyre biologjik dhe jo partnerin e tij nëse sëmurej apo i ndodhte diçka.
Por ky fakt tashmë ka ndryshuar me ligjin e ri të miratuar në parlamentin grek që zgjidh shumë nga problemet për këto familje.
“Asgjë nuk ndryshon në përditshmërinë tonë, pasi ne jemi një familje prej disa vitesh. Por ajo që po ndryshon është se tani edhe shteti na njeh si një familje dhe jo si dy të ndara, sipas ligjit të mëparshëm”, ka thënë Stavros Gavriliadis.
Pas dasmës, vetë kryeministri grek Kyriakos Mitsotakis ka kontaktuar me çiftin e parë homoseksual duke dhënë urimet e tij.
Ndërsa para pak ditësh është bërë me dije edhe dasma e parë mes dy grave në vend, Danai Deligeorgi dhe Alexia Beziki, e cila do të zhvillohet në bashkinë e Athinës.
Edhe lideri i partisë opozitare greke Syriza Stefanos Kasselakis ka deklaruar se këtë verë do të martohet edhe ai në Greqi me partnerin e tij Tyler Mcbeth.
Irani ka lëshuar raketa balistike drejt bazave ushtarake amerikane në Kuvajt dhe Bahrejn, pasi Shtetet…
Në rrjetet sociale kanë nisur të qarkullojnë video të prodhuara me inteligjencë artificiale, në stilin…
Izraeli vendosi fshehurazi njësi elitare ushtarake dhe të inteligjencës në Azerbajxhan gjatë luftës me Iranin,…
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…