Nikola Nedeljkoviq, 20 vjeçar nga Beogradi, është arrestuar sot nga Policia e Kosovës dhe nën pranga është shoqëruar për në Prishtinë.
Nedeljkoviq dyshohet për thirrje dhe nxitje të urrejtjes dhe përçarjes në organizimin e “Vidovdanit” në Gazimestan.
“Ndërsa gjatë manifestimit në Gazimestan një (1) person shtetas i Serbisë është shoqëruar në stacion policor, pasi i njëjti dyshohet për thirrje dhe nxitje të urrejtjes e përçarjes”, thuhet në komunikatën e Policisë.
Ndërkohë mediumi publik serb ka publikuar videon e momentit të arrestimit të Nedeljkoviq.
