Australia po përjeton ndryshime të thella shoqërore, thuhet në një raport të publikuar nga BBC-ja të martën. Në disa anketa të kryera, popullsia australiane rezulton të jetë rritur për 2.1 milionë banorë brenda gjashtë vjetëve të fundit.
Për herë të parë, rreth 44 për qind e australianëve u identifikuan të krishterë, tha Byroja Australiane e Statistikave, për dallim nga shumë vite më parë, kur të krishterë ishin regjistruar rreth 90 për qind e popullsisë.
Ndonëse krishterimi mbetet feja më e madhe, njerëzit me prirje antifetare u deklaruan rreth 39 për qind. Hinduizmi dhe islami janë fetë me rritjen më të shpejtë në Australi, por asnjëra nuk e kalon 3-përqindëshin.
Migrimi është ngadalësuar gjatë pandemisë, por mbi 1 milion persona janë zhvendosur në Australi që nga 2016-a. Prej tyre, pothuajse një e katërta janë nga India. Nëpër familjet australiane, një në pesë njerëz flet një gjuhë tjetër pos anglishtes – më së shumti kinezisht ose arabisht. Që nga 2016-a, rreth 800 mijë banorë të Australisë flasin njërën nga këto gjuhë.
Numri i indigjenëve u rrit. Aktualisht janë të regjistruar 812.728 banorë indigjenë ose rreth 3.2 për qind e popullsisë.
Australianët po blejnë shtëpi në masë të madhe, por që nuk po i paguajnë ato. Hipotekat janë dyfishuar, por çmimet e pronave janë ngritur si kurrë më parë. Qytetet australiane tani renditen në mesin e vendeve me të këqija për përballueshmërinë e çmimeve të banesave.
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…