Me tri vetura të shtrenjta të markës BMW është bërë Ministria e Punëve të Jashtme, që prej fundvitit të shkuar. Blerja nëpërmjet një mashtrimi bërë gjigantit gjerman të veturave dhe vetë shtetit gjerman, është bërë pa përfillur procedurat e prokurimit.
Veturat janë të tipit BMW 730 D Limousine. Janë blerë nga Ambasada e Kosovës në Berlin për rreth 50 mijë euro secila, çmim gati përgjysmë më i lirë, sesa ishte çmimi i tregut. Kjo për shkak që, përpos që është siguruar lirimi nga taksat meqë ishte deklaruar se po merreshin për nevojat e misioneve diplomatike të Kosovës në Gjermani, po kështu ishte ofruar edhe një zbritje nga kompania, shkruan KOHA.
Por, menjëherë janë dërguar në Kosovë. Ministria i kishte marrë për qëllim të Protokollit të Shtetit. Meqë obligimet që lidhen me kushtet e blerjes nuk mundësojnë regjistrimin e këtyre veturave në Kosovë, ato ende mbajnë targat e Gjermanisë.
Të dhënat janë siguruar nga një burim i gazetës në këtë ministri, institucion ky që prej më shumë se një muaji nuk i ka krijuar qasje gazetës në procedurat e prokurimit të zhvilluara për këtë rast, dhe as nuk ka ofruar informacione në lidhje me arsyen pse veturat mbajnë targa të Gjermanisë dhe jo të Kosovës.
Irani ka njoftuar se ka pezulluar operacionet ushtarake kundër Izraelit, por ka paralajmëruar se do…
Zgjedhjet e parakohshme parlamentare të mbajtura dje në Kosovë kanë regjistruar pjesëmarrjen më të ulët…
Numërimi i afrohet 100 përqëindëshit: LVV 43,03 %, PDK 21.21 %, LDK 17.68 % dhe…
Lëvizja Vetëvendosje vazhdon të prijë në rezultatet preliminare të procesuara nga Komisioni Qendror i Zgjedhjeve…
Sot në Kosova janë mbajtur zgjedhjet e jashtëzakonshme parlamentare. Lidhur me këtë, është publikuar Exit…
Pamje të nxjerra jashtë kontekstit, imazhe të krijuara me Inteligjencë Artificiale dhe narrativa gjeopolitike u…