Muzeu i Vjenës përditëson informacionin: Skënderbeu paraqitet si udhëheqës shqiptar

Një zhvillim i rëndësishëm ka ndodhur në Muzeun e Historisë së Artit në Vienë (KHM), ku përkrenarja dhe shpata e Gjergj Kastriotit – Skënderbeut tashmë shoqërohen me një përshkrim të plotë historik që përcakton qartësisht identitetin, origjinën dhe rolin e tij si udhëheqës shqiptar.

Nga mungesa e çdo reference, te identifikimi i plotë

“Skanderbeg-Helm / Helmet of Skanderbeg”,
pa asnjë shpjegim mbi origjinën, rolin apo rëndësinë historike të tij.

Në kontrast, fotografia e datës 25 nëntor 2025 tregon se muzeu ka vendosur një tabelë të re të detajuar, ku Skënderbeu prezantohet me të gjitha elementët kryesorë identifikues:

• Përcaktimi si udhëheqës shqiptar
• Shpjegim i rolit të tij në rezistencën ndaj Perandorisë Osmane
• Interpretimi i mbishkrimit të famshëm të përkrenares

Kjo përbën herën e parë që Muzeu i Vienës e artikulon kaq qartë identitetin e Skënderbeut si figurë shqiptare dhe udhëheqës me tituj mbretërorë të njohur në traditën mesjetare.

Peticioni i nisur nga Duleviç dhe Peçi kërkonte që muzeu të ndreqte boshllëkun informativ dhe të vendoste një përshkrim të saktë historik. Sipas nismëtarëve, mungesa e referencës ndaj origjinës shqiptare të Skënderbeut ishte jo vetëm e padrejtë, por edhe e dëmshme për narrativën historike.

Pas qindra firmave të mbledhura dhe pas vëmendjes së krijuar në media, muzeu ka reaguar duke rishikuar materialin ekspozues.

Një fitore simbolike për historinë shqiptare.

Ky lajm i rëndësishëm mund të shërbejë si precedent për edhe për shumë institucione të tjera europiane që mbajnë objekte të lidhura me historinë shqiptare, duke rritur presionin për përfaqësim korrekt dhe profesional.