Ndërtimi i Xhamisë Qendrore në Prishtinë, jo të gjithë mirëpresin projektin

Xhamia qendrore në Prishtinë ka filluar ndërtimin. E realizimi i këtij projekti po ndodh pas disa vitesh polemika e pritjesh. Mirëpo, ani pse tani Komuna e Prishtinës e BIK’u janë dakorduar, disa qytetarë ende nuk po janë të pajtimit që lokacioni është i duhur.

Madje dikush po mendon që këtu më mirë do të ishte të ndërtohej ndonjë institucion arsimor. Pas pritjeve dhe polemikave disa vjeçare fillon projekti i xhamisë së madhe. Projekti kushton 30 mln euro

Ky ekskavator ka filluar gërmimet. Nga kjo hapësirë, janë larguar edhe disa pemë që po pengonin realizimin e një projekti.

E këto punime në qendër të Prishtinës, tregojnë fillimin e punimeve për xhaminë qendrore të kryeqytetit që po financohet nga Bashkësia Islame e Turqisë.

Nga Komuna e Prishtinës thonë se janë në bashkëpunim me BIK dhe gjithçka po shkon në rregull.

Këto punime kanë nisur pas tri vitesh pritje e polemika.

Por ani pse tashmë zyrtarisht ka filluar ndërtimi i Xhamisë, ende ka ndasi tek qytetarët e kësaj pjese të kryeqytetit.

Mirëpo sipas arkitektit kosovar, Visar Geci kjo xhami do të duhet të ndërtohej sipas projektit të Zaha Hadid

Projekti parashihet të kushtojë mbi 30 milionë euro dhe punimet parashihen të zgjasin rreth tri vite nga koha e fillimit të realizimit të projektit.