Në mozaik është shkrimi i dedikimit të Perandorit Justininan dhe Perandoreshës Teodora për kishën më të madhe të kohës që u zbulua rishtas. Në mbishkrim theksohet Dardania, shkruan Gazeta Metro.
Në parkun arkeologjik të Ulpianës gjatë hulumtimeve arkeologjike thuhet të jetë zbuluar një mozaik në një prej kishave që mendohet të jetë një prej më të mëdhave në Ballkan të asaj periudhe.
Gazeta Metro ka mësuar se gjatë gërmimeve në këtë bazilikë është gërmuar edhe një mozaik që përmban dedikimin e perandorit bizantin Justinian dhe gruas së tij perandoreshës Teodora. Në mbishkrimin dedikimit përmendet edhe Dardania sipas burimeve.
Në këtë lokacion të ri po hulumtojnë ekipe të Institutit të Arkeologjisë së Kosovës dhe ekipe të huaja. Këto ekipe vitin e kaluar i ranë në gjurmë verën e kaluar kishës më të madh në Ballkan.
Justinian sundoi Perandorinë Romake të Lindjes në shekullin e 6 pas Krishtit dhe bëri përpjekje të mëdha për të rikthyer pjesën perëndimore të perandorisë romake nga pushtuesit barbarë. Një prej arritjeve të Justinianit ishte ndërtimi i tempullit më të famshëm të krishterë, Hagia Sophia, në Konstantinopojë.
Perandori Justinian ishte i dyti i dinastisë së Justinit, perandorëve bizantin që vinte nga Dardania e mesjetës së hershme dhe ndoshta i fundit që fliste latinisht në pallatin perandorak në Konstanipojë.
