Boksieri 28-vjeçar, Ardian Krasniqi, e ka mbrojtur titullin “WBO Intercontinental” në kategorinë gjysmë të rëndë, pas fitores me nokaut ndaj argjentinasit 30-vjeçar Diego Ramirez.
Krasniqi, që është nipi i ish-boksierit të njohur, Luan Krasniqit, fitoi me nokaut në raundin e katërt, të shtunën. Për Ardian Krasniqin ishte fitorja e 11-të në boksin profesionist nga po aq meçe të zhvilluara.
Të gjitha luftërat i ka fituar me nokaut.
“Gjithçka shkoi sipas planit. Kur e lëshova të djathtën në raundin e katërt, e dija se ai nuk do të ngrihet sërish”, ka thënë Krasniqi, shkruan “Bild” të dielën.
Nata e boksit u organizua në “Sindelfingen Glass Palace” nën moton “Shfaqja për trashëgiminë”.
I pranishëm ishte edhe ish-portieri i Stuttgartit, Timo Hildebrand, i cili e përgëzoi boksierin shqiptar.
Krasniqi ka qenë fans i madh i ish-portierit që me Stuttgartin u shpall kampion në Gjermani.
“Kur ishe në një kamp stërvitor, e kam mbajtur një copë letre me nënshkrimin tënd në të. Isha 12-vjeçar në atë kohë. Ende e mbaj atë kujtim”.
Legjenda e boksit, Luan Krasniqi, është ish-kampion i Evropës në peshën e rëndë. Ai ka deklaruar se Ardiani shpejt do të bëhet edhe kampion bote.
“Kjo është nder për mua. Vetëm prezenca e tij, fakti se ai është aty duke më përkrahur, është gjëja më e madhe për mua”, ka deklaruar Ardian Krasniqi.
Rusia është duke i ofruar Iranit informacione mbi vendndodhjen e luftanijeve dhe avionëve amerikanë në…
Shahid Bahman Bagheri ishte mjeti i parë lundrues i specializuar për dronë,një anije 240 metra…
Mediet arabe raportuan të premten informacionin se iranianët ekzekutuan gjeneralin Ismail Qa'ani si agjent të…
Presidenti Donald Trump mirëpriti të enjten një grup pasotrësh në Zyrën Ovale një grup klerikësh…
“Edhe të pasurit qajnë në kohë lufte.” Konflikti i fundit në Lindjen e Mesme po…
Shefja e Grupit Parlamentar të Vetëvendosjes, Arbërie Nagavci, e ka komentuar deklaratën e Vjosa Osmanit,…