Qytetarët nga Kosova të cilët po udhëtojnë në drejtim të Serbisë, janë duke udhëtuar lirshëm pa pasur nevojë për dokumente shtesë, ka konfirmuar ministri i Punëve të Brendshme, Xhelal Sveçla.
Ai ka konfirmuar lajmin për udhëtim të lirë në pikëkalimin kufitar në Bërnjak. Ngjashëm po ndodh edhe në Jarinjë, raporton KP.
“Kishim një veturë që kaloi pa probleme (në Bërnjak v.j.). Do të thotë është ndërprerë lëshimi i fletë hyrje-daljeve nga ana e Serbisë. E njëjta ka ndodhur edhe në Merdar, te Dheu i Bardhë dhe në Muçibabë”, deklaroi Sveçla.
Ai tha se pos kësaj, do të vazhdohet edhe me iniciativa të tjera, “pa probleme të kalojë edhe çështja e targave ilegale”.
“Jam i bindur se edhe ata (serbët v.j) do të përfitojnë dhe nuk do të ketë nevojë për kurrfarë marrëveshje”.
