Vjosa Osmani e ka pyetur Avdullah Hotin se përse u lejuan të mbahen zgjedhjet e Serbisë në Kosovë kur diçka e tillë është e jashtëligjshme dhe anti-kushtetuese.
Osmani ka treguar se vetë Parlamenti i Kosovës e ka votuar një rezolutë kundër këtyre zgjedhjeve, prandaj mbajtja e tyre është e jashtëligjshme, jo kushtetuese dhe nuk parashihet me asnjë konventë ndërkombëtare.
“Mbajtja e zgjedhjeve të Serbisë në Kosovë është shkelje e Kushtetutës e ligjeve dhe marrëveshjeve ndërkombëtar”, ka thënë Osmani, “ato janë mbajtur por s’janë të ligjshme”.
“Nëse përmendet OSBE ju e dini që delegimi i sovranitetit mund të bëhet vetëm me ratifikim nga Kuvendi. Ka pasur raste kur është deleguar ndonjëherë, por kurrë pa i marrë votat në këtë kuvend”.
“T’i delegohet sovraniteti OSBE-së pa ratifikim nuk është në përputhje me Kushtetutën”.
Prandaj, Osmani ka pyetur “cila është bala ligjore dhe kushtetuese dhe cila konventë ndërkombëtare e lejon mbajtjen e këtyre zgjedhjeve”.
Hoti ka refuzuar të përgjigjet në këtë pyetje.
Në fakt, ka marrë fjalën, menjëherë pas Osmanit, por vetëm sa për të uruar ditën e komunitetit egjiptian në Kosovë.
