Pamje të reja nga zjarri që përfshiu hotelin në Brezovicë

Hoteli “Pine” në Brezovicë është përfshirë nga flakët mëngjesin e sotëm, duke shkaktuar dëme të konsiderueshme materiale.

Sipas Kanun Veselit, zëdhënës i Policisë së Kosovës për rajonin e Ferizajt, rreth orës 10:15 autoritetet janë njoftuar për zjarrin që kishte përfshirë një restorant/hotel në këtë zonë turistike.

Ekipet e zjarrfikësve dhe policia kanë arritur menjëherë në vendin e ngjarjes, ndërsa zjarrfikësit kanë punuar mbi tre orë për të lokalizuar dhe shuar flakët. Policia ka siguruar zonën përreth për të parandaluar rreziqe të tjera.

Fatmirësisht, nuk ka pasur raportime për persona të lënduar, por dëmet materiale vlerësohen të jenë të mëdha.

Në vendin e ngjarjes kanë dalë edhe hetuesit, të cilët po punojnë për të përcaktuar shkaqet e zjarrit.

Zjarri Brezovicë