Panik në tregun europian, aksionet e Deutsche Bank ranë me 12 për qind

Aksionet e Deutsche Bank ranë me më shumë se 12 për qind pasi një valë e re shqetësimesh në treg goditi sektorin bankar evropian, raporton Bloomberg.

Rënie të vlerës së aksioneve shënuan edhe banka të tjera të ekspozuara ndaj rrezikut të lartë të kredisë së korporatave. Komercbank ra me nëntë për qind dhe Societe Generale e Francës me shtatë për qind.

Deutsche Bank papritur u bë fokusi i trazirave bankare në Evropë për shkak të shqetësimeve për rënien e prodhimit industrial, i cili çoi në rënien më të madhe të aksioneve të bankës në tre vitet e fundit. Gjithashtu, janë rritur edhe kostot e sigurimit nga mosshlyerja e detyrimeve.

Shqetësimet për hyrjen e vendeve të Bashkimit Evropian në recesion ndikojnë në performancën e bankave më të mëdha.

Deutsche Bank, e cila është rimëkëmbur për tre vitet e fundit, u bë humbësi më i madh në mesin e bankave të mëdha evropiane të Premten pasi njoftoi një plan për kthimin e borxhit, që zakonisht shihet si një shenjë fuqie.

Ngjarjet në treg dhe rënia e aksioneve të bankës më të rëndësishme gjermane bëri që kancelari Olaf Scholz të mbështeste publikisht bankierët dhe të siguronte publikun se sistemi bankar është i fortë dhe likuid.

“Nuk ka nevojë të shqetësoheni për asgjë në Deutsche Bank”, tha kancelarja gjermane.

“Deutsche Bank ka modernizuar dhe riorganizuar rrënjësisht modelin e saj të biznesit dhe është një bankë shumë fitimprurëse”, tha Scholz në një konferencë shtypi në Bruksel të premten kur u pyet për situatën në sektorin bankar