Partitë e Kosovës më s’kanë të drejtë tubimesh në Gjermani

Partitë politike në Kosovë më nuk kanë të drejtë të zhvillojnë fushatë në tokën gjermane, siç ka bërë të ditur ambasadori gjerman në Kosovë, Jorn Rohde.

Në një shkrim në Twitter, ai ka shpalosur një rregullore specifike që, sipas tij, tregon se autoritetet gjermane nuk japin leje që partitë politike të një shteti të zhvillojnë tubime në tokën gjermane në periudhën më pak se tre muaj nga data e mbajtjes së zgjedhjeve.

Për Kosovën, pasi që zgjedhjet do të mbahen më 9 shkurt, kjo nënkupton se fushatë në Gjermani s’mund të bëhet që nga 9 nëntori.

Rohde të hënën në Twitter ka thënë se e ka informuar Ministrinë e Punëve të Jashtme të Kosovës dhe partitë politike për rregulloren.

Partitë politike të Kosovës ditëve të fundit kanë organizuar tubime në shtete të ndryshme të Evropës.