Pas Shën Sofisë, në Stamboll, një tjetër kishë-muze u kthye sërish në xhami. Siç shkruan gazeta turke “Sabah”, xhamia Kariye, e cila ndodhet në qendër të Stambollit, do të hapet zyrtarisht për besimtarët pas 79 vitesh.
Siç është paralajmëruar, presidenti i Turqisë, Recep Tayyip Erdogan, do të marrë pjesë në ceremoni nëpërmjet telekonferencës nga Ankaraja.
Kisha Ortodokse e Korit ose Kisha e Krishtit Shpëtimtar në Fushë, e ndërtuar në shekullin e IV, u shndërrua në xhami në vitin 1511. Ajo u shndërrua në xhami nga Atik Ali Pasha, një nga vezirët e mëdhenj të Bajazitit dhe që nga ajo kohë ka funksionuar me emrat “Xhamia e Atik Ali Pashës” dhe “Xhamia e Karijes”. Mozaikët dhe afresket, të cilat konsiderohen kulmi i artit bizantin, u mbuluan më pas me një shtresë suvaje.
Me vendim zyrtar të autoriteteve, më 2 gusht 1945, ndërtesa mori statusin e muzeut dhe ishte një nga atraksionet turistike më të vizituara të periudhës bizantine në Kostandinopojë, së bashku me Hagia Sophia dhe Cisternën e Bazilikës.
Katër vite më parë me vendim të Presidentit Erdogan kaloi sërish në kompetencë të Presidencës për Çështjet Fetare.
Pikërisht atëherë filloi restaurimi i kësaj ndërtese të rëndësishme historike në mënyrë që besimtarët të mund të faleshin sërish në të.
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…