Pashka Katolike dhe Ortodokse në të njëjtën ditë?

Ortodoksët dhe Katolikët, dy rrymat më të mëdha të fesë së krishterë në botë, pritet të nisin ta festojnë Pashkën në të njëjtën ditë.

Mediat greke shkruajnë se Patriarku ortodoks i Stambollit, Bartoleme dhe Papa Françesku janë pranë arritjes së një marrëveshjeje që i jep fund ndasive mes besimtarëve të krishterë të riteve lindore dhe perëndimore.

Pritet që vendimin që festa e Pashkës, që simbolizon ringjalljen e Jezu Krishtit, drejtuesit e dy kishave më të mëdha të krishtera do ta marrin Majin e vitit të ardhshëm. Ata do të takohen së bashku në Iznik të Turqisë, në përvjetorin e 1700 të Këshillit të Parë Ekumenik të Nikesë.

Takimi përkujton mbledhjen e vitit 325 të klerikëve të krishterë të perandorisë romake, ku u bënë përpjekje për të krijuar një këshill që përfaqëson të gjithë të krishterët e botës, që në fakt nuk u arrit kurrë.

Ndërsa ndarja e festimit të Pashkës daton në 1582, kur Papa Gregor i 13 korrigjoi me 10 ditë kalendarin, çka u refuzua nga Kisha Ortodokse Greke dhe kishat e tjera ortodokse.

Por tani që kisha greke ka ndryshuar qëndrim, duket se nuk është ende e bindur Kisha Ortodokse Ruse.