Një djalë me epilepsi të rëndë është bërë pacienti i parë në botë që provon një pajisje të re të vendosur në kafkën e tij për të kontrolluar krizat. Neurostimulatori, i cili dërgon sinjale elektrike thellë në trurin e tij, ka reduktuar krizat e ditës me 80%. Oran Knowlson, nga Somerset, ka sindromën Lennox-Gastaut, një formë epilepsie rezistente ndaj trajtimit të cilën e zhvilloi në moshën tre vjeçare.
Nëna e Oran, Justine, i tha BBC-së se ishte shumë e lumtur sepse djali i saj kishte një “cilësi shumë më të mirë të jetës”.
“Kjo sëmundje i ka rrëmbyer të gjithë fëmijërinë”, tregon nëna e tij.
Operacioni u krye në tetor të vitit të kaluar, si pjesë e një prove në spitalin Great Ormond Street në Londër, kur Oran – ishte 12 vjeç.
Krizat e epilepsisë shkaktohen nga shpërthime jonormale të aktivitetit elektrik në tru. Pajisja, e cila lëshon një puls konstant të rrymës, synon të bllokojë ose prishë sinjalet jonormale.
Përpara operacionit, Justine tha: “Dua që ai të gjejë sërish pak nga vetja në mjegullën e krizave. Do të doja të ktheja djalin tim.”
Operacioni, i cili zgjati rreth tetë orë, u zhvillua në tetor 2023. Ekipi, i udhëhequr nga konsulenti neurokirurg pediatrik Martin Tisdall, futi dy elektroda thellë në trurin e Oranit derisa arritën në talamus, një stacion kyç për informacionin neuronal.
Marzhi i gabimit për vendosjen e pajisjes ishte më pak se një milimetër. Skajet e kapave u lidhën me neurostimulatorin, një pajisje katrore 3.5 cm dhe trashësi 0.6 cm e cila u vendos në një hendek në kafkën e Oranit. Neurostimulatori më pas u vidhos në kafkën përreth.
Stimulimi i thellë i trurit është provuar më parë për epilepsinë e fëmijërisë, por deri më tani neurostimuluesit vendoseshin në gjoks, me tela që shkonin deri në tru. Dhe Orani mund ta rikarikojë pajisjen çdo ditë nëpërmjet kufjeve me valë, ndërsa vazhdon me gjërat që i pëlqejnë.
Në të ardhmen, ekipi planifikon të bëjë që neurostimulatori t’i përgjigjet në kohë reale ndryshimeve në aktivitetin e tij të trurit, në një përpjekje për të bllokuar krizat
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…