Për zgjedhjet në Serbi paraqitet edhe një lëvizje serbo-ruse

Zgjedhjet e përgjithshme në Serbi janë caktuar të mbahen më 3 prill e në to, pos presidentit të këtij vendi, do të zgjidhen edhe deputetët e rinj dhe kryetarë të shumë komunave.

Komisioni Qendror i Zgjedhjeve të Serbisë ka bërë të ditur të hënën se në këto zgjedhje do të marrë pjesë edhe lëvizja serbo-ruse “Vkovi”, ka bërë të ditur “b92”.

Në zgjedhje do të marrë pjesë si “Aleanca e Minoritetit Rus – Milena Pavloviq, Pavle Bihali Gavrin”.

Në Serbi gati çdo ditë po ka marshe në përkrahje të agresionit të Rusisë ndaj Ukrainës. Pati edhe të dielën, ku në veturat e serbëve nëpër rrugët e Beogradit u panë flamujt rusë dhe shkronja “Z”, e cila mund të shihet në çdo tank apo mjet ushtarak rus në Ukrainë.

Serbia është vendi i vetëm në Evropë, hiç Bjellorusisë aleate të Rusisë, që nu i ka vënë sanksione Moskës zyrtare.