Ratko Mlladiç, ish-Gjenerali i Ushtrisë së “Republikës Serbe” që kreu gjenocid në Bosnje dhe Hercegovinë, prej gjashtë ditësh ndodhet në spitalin e Hagës ku është duke marrë trajtime mjekësore.
Gjendja e tij është përkeqësuar ditëve të fundit dhe siç thotë djali i tij, Darko Mlladiç, ai po kalon “çastet më të vështira deri më tani”.
“Gjenerali nuk u ankua asnjëherë dhe e pranoi për herë të parë se e ka të vështirë”, tha ai, transmeton agjencia e lajmeve ‘Srna’.
Ai ka pasuar ankesa lidhur me trajtimin mjekësor të babait të tij nga spitali i Hagës.
“Nuk kemi asnjë detaj për trajtimin, përveç se është ankuar për dhimbje të forta dhe dobësi të madhe dhe gjendja e tij në përgjithësi është e keqe”, është shprehur ai.
Ai theksoi se iu është premtuar se të hënën më 12 shtator do të arrijnë të gjitha rezultatet dhe nga kjo do të varet edhe dërgimi i një ekipi të mjekëve nga Serbia në Hagë.
Kujtojmë se Gjykata Ndërkombëtare për Krimet e Luftës në ish-Jugosllavi, në vitin 2017, e shpalli Ratko Mlladic-in, fajtor për gjenocidin e Srebrenicës në vitin 1995 dhe krimet e kryera gjatë viteva të errëta (1992-1995) dhe e dënoi atë me burgim të përjetshëm.
Mlladiç ishte në arrati deri më 25 maj 2011, kur u arrestua në fshatin Lazarevë afër Zrenjanin-it dhe iu dorëzua Tribunalit të Hagës/.
Irani ka lëshuar raketa balistike drejt bazave ushtarake amerikane në Kuvajt dhe Bahrejn, pasi Shtetet…
Në rrjetet sociale kanë nisur të qarkullojnë video të prodhuara me inteligjencë artificiale, në stilin…
Izraeli vendosi fshehurazi njësi elitare ushtarake dhe të inteligjencës në Azerbajxhan gjatë luftës me Iranin,…
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…