Drejtorit të ashtuquajturës Zyre për Kosovë në Qeverinë e Serbisë, Petar Petkoviq, i është ndaluar hyrja në Kosovë, është njoftuar nga autoritetet serbe.
Sipas komunikatës së Zyres për Kosovë në Qeverinë e Serbisë, është hera e dhjetë që i ndalohet Petkoviqit hyrja në Kosovë.
“Autoritetet në Prishtinë mëngjesin e sotëm ia ndaluan vizitën Petkoviqit dhe me këtë i shkelën të gjitha marrëeshjet dhe treguan se për ta nuk ka absolutisht asnjë rëndësi as marrëveshjet e arritura, as procesi i normalizimit të marrëdhënieve, por vetëm krijimi i krizave e tensioneve”, thuhet në komunikatë.
Petkoviq kishte planifikuar të vizitonte patriarkun Porfirije në Patriarkanën e Pejës.
Sipas njoftimit, vizita është paralajmëruar siç duhet, duke respektuar të gjitha marrëveshjet e arritura.
Përveç pjesëmarrjes në ceremoninë e shugurimit të patriarkut u tha se ishte planifikuar edhe një vizitë në manifestimin “Ditët e Moravisë” në fshatin Kufcë e Epërme të Komunës së Gjilanit.
Në njoftim thuhet se për “shkeljen brutale të marrëveshjes, por edhe mohimin e lirive fetare” do të informohet Brukseli zyrtar, por edhe faktorët tjerë ndërkombëtarë.
Patriarku i Kishës Ortodokse Serbe, Porfirije, do të shugurohet në Manastirin e Patrikanës së Pejës në Kosovë më 14 tetor.
Ky akt kryhet një vit e tetë muaj pas zgjedhjes së tij në krye të Kishës Ortodokse Serbe.
Irani ka njoftuar se ka pezulluar operacionet ushtarake kundër Izraelit, por ka paralajmëruar se do…
Zgjedhjet e parakohshme parlamentare të mbajtura dje në Kosovë kanë regjistruar pjesëmarrjen më të ulët…
Numërimi i afrohet 100 përqëindëshit: LVV 43,03 %, PDK 21.21 %, LDK 17.68 % dhe…
Lëvizja Vetëvendosje vazhdon të prijë në rezultatet preliminare të procesuara nga Komisioni Qendror i Zgjedhjeve…
Sot në Kosova janë mbajtur zgjedhjet e jashtëzakonshme parlamentare. Lidhur me këtë, është publikuar Exit…
Pamje të nxjerra jashtë kontekstit, imazhe të krijuara me Inteligjencë Artificiale dhe narrativa gjeopolitike u…