Politikani në Serbi: Çfarë duhet të ndodhë tjetër që ne të kuptojmë se Putini është një dhunues global?

Një ndër politikanët në Serbi, vojvodinasi Nenad Çanak, Kryetari i Lidhjes Socialdemokrate të kësaj krahine, tha se Vladimir Putin është një “dhunues global me bombë bërthamore”.

“Çfarë duhet të ndodhë tjetër që ne të kuptojmë se Putini është një dhunues global me një bombë bërthamore?” Qasja e Chamberlain se Ukraina nuk është në NATO dhe se nuk duhet mbrojtur ushtarakisht, do të çojë në Luftën e Tretë Botërore, e cila në fakt tashmë është duke u zhvilluar”, tha Çanak.

Ai gjithashtu vlerësoi se Bashkimi Evropian dhe Shtetet e Bashkuara janë përgjegjëse për situatën aktuale në Ukrainë, sepse ata ishin të përgjumur në besimin se luftë nuk mund të ndodhë në Evropë.

Ai shtoi se Evropa nuk mund të jetë pa solidaritet dhe se solidariteti nuk është “çati mbi kokë dhe ushqim për refugjatët ukrainas”.

“Duhet paguar më shumë naftë dhe euro për litër, por jo për të blerë naftë nga Putini”, tha Çanak.

Ai shtoi se “rrjeti rus i inteligjencës” nga Mladjan Gjorgjeviç te Nenad Popoviç” duhet të shfuqizohet në Serbi.

Ai shtoi se pas çdo zgjedhjeje lind pyetja se kush do të jetë njeriu rus në qeverinë e re serbe, përveç Ivica Daçiçit, i cili është “krah konstant” dhe “vokalo-instrumental në shërbimet ruse”.

“Evropa ka bërë një gabim të madh në lidhje me këtë fushë duke vendosur në mendimin e saj burokratik që të mos e pranojë këtë pjesë të botës në BE dhe kështu ta lërë atë në treg të hapur për shërbimet e inteligjencës ruse.

Tani është vetëm çështje kohe që këtu do të montohen raketa me rreze të mesme dhe të gjatë, butoni i kuq i të cilave do të jetë në Moskë. Atëherë do të jemi sërish një objektiv legjitim ushtarak për NATO-n”, tha Çanak.