Më 24 prill, Komiteti Ministror i Këshillit të Evropës votoi që t’i përcjellë Asamblesë Parlamentare të këtij institucioni kërkesën për anëtarësimin e Kosovës.
Në mesin e shtatë vendeve që votuan kundër anëtarësimit të Kosovës në Këshill të Evropës, përveç Serbisë, Hungarisë, Azerbajxhanit, Rumanisë, Qipros e Gjeorgjisë, ishte edhe Spanja.
Analisti spanjoll dhe profesori i universitetit të Madridit, Ignacio Molina në një postim në Twitter e ka kritikuar qëndrimin e Spanjës, duke thënë se është rreshtuar me vendet që votuan kundër anëtarësimit të Kosovës në Këshill të Evropës.
“Spanja ka votuar kundër anëtarësimit të Kosovës në Këshill të Evropës. Ne kemi votuar sikur Hungaria, Serbia e Azerbajxhani. Mund të kishim abstenuar (si Greqia, Sllovakia apo Ukraina të cilat gjithashtu nuk e njohin shtetësinë e tyre), por pse të humbim një mundësi tjetër për të gabuar?”, ka shkruar profesori Molina.
Ai më tej ka shkruar se Spanja është i vetmi vend i Evropës Perëndimore në këtë kryqëzatë absurde kundër vendit më të ri dhe më të varfër në Evropë.
“Kjo hartë se kush çfarë ka votuar për anëtarësimin e Kosovës në Këshillin e Evropës, duhet të vendosë të gjithë flamujt e kuq të diplomacisë sonë”, shkroi Molina.
Pro anëtarësimit të Kosovës në KiE votuan: Shqipëria, Andorra, Austria, Belgjika, Bullgaria, Kroacia, Republika Çeke, Danimarka, Estonia, Finlanda, Franca, Gjermania, Islanda, Irlanda, Italia, Letonia, Lihtenshtajni, Lituania, Luksemburgu, Malta, Monako, Mali i Zi, Holanda, Maqedonia e Veriut, Norvegjia, Polonia, Portugalia, San Marino, Sllovenia, Suedia, Zvicra, Turqia dhe Mbretëria e Bashkuar.
Irani ka njoftuar se ka pezulluar operacionet ushtarake kundër Izraelit, por ka paralajmëruar se do…
Zgjedhjet e parakohshme parlamentare të mbajtura dje në Kosovë kanë regjistruar pjesëmarrjen më të ulët…
Numërimi i afrohet 100 përqëindëshit: LVV 43,03 %, PDK 21.21 %, LDK 17.68 % dhe…
Lëvizja Vetëvendosje vazhdon të prijë në rezultatet preliminare të procesuara nga Komisioni Qendror i Zgjedhjeve…
Sot në Kosova janë mbajtur zgjedhjet e jashtëzakonshme parlamentare. Lidhur me këtë, është publikuar Exit…
Pamje të nxjerra jashtë kontekstit, imazhe të krijuara me Inteligjencë Artificiale dhe narrativa gjeopolitike u…