Prokuroria Speciale tashmë ka marrë në dorë rastin e Valon Sylës, i cili u sulmua fizikisht të martën mbrëma në Prishtinë.

Rastin e sulmit kundër gazetarit Valon Syla e ka marrë në kompetencë Prokuroria Speciale e Republikës së Kosovës, raporton Paparaci.

Arsyeja pse e ka marrë lidhet me dyshimet se sulmi ndaj tij lidhet me urrejtjen fetare, racore e sanksionuar me nenin 141 të kodit penal të Kosovës

Kësisoj, të dyshuarit përballen me akuza të rënda të cilat nëse vërtetohen rrezikojnë dënim me shumë vjet burgim.

Burimet e Paparacit kanë thënë se tashmë rasti po hetohet nga njësia kundër terrorizmit.

Prandaj sipas nenit 141, pika 1, kushdo që nxit ose përhap publikisht urrejtje, dënohet me gjobë ose me burgim deri në pesë vjet.