Kryeministri i Shqipërisë, Edi Rama, i ftuar në një nga emisionet e mbrëmjes, ka deklaruar se është shpallur të premten e 8 tetorit, fituesi për ndërtimin e tunelit të Llogarasë.
Tuneli i Llogarasë do të ndërtohet nga një konsorcium turko-shqiptar, deklaroi kryeministri shqiptar.
Duke sjellë në vëmendjen kohëzgjatjen e punimeve, Rama garantoi se ato do të fillojnë së shpejti dhe do të mbyllen brenda këtij mandati, për një periudhë punimesh 36-mujore.
Më herët, Ministria e Infrastrukturës dhe e Energjisë (MIE) njoftoi rihapjen e garës për zgjedhjen e kompanisë së ndërtimit të tunelit të Llogarasë.
Tuneli i Llogarasë pritet të jetë i gjatë 5.9 kilometra dhe do të lidhet në hyrje dhe dalje të tij me dy ura, nga 110 dhe 40 metra të gjatë.
MIE-ja e anuloi tenderin e parë, duke përjashtuar gjashtë kompanitë që morën pjesë për mungesë të plotësimit të dokumentacionit.
Në dhjetor të 2020-ës, MIE-ja hapi garën për kontratën që ka për objekt “Ndërtimin e Tunelit të Llogarasë” në seksionin rrugor Orikum-Himarë pjesë e Autostradës SH8 (Vlorë – Sarandë)”, e cila u hap me një fond limit prej 19.1 miliardë lekësh apo rreth 155 milionë euro.
Në dokumente është specifikuar se operatori, që do të rezultojë fitues në fund të garës, do të ketë në dispozicion 37 muaj.
Pra, më shumë se tre vjet për të bërë zbatimin e kontratës, ndërsa burimi i financimit do të jetë buxheti i shtetit.
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…