Rama: Lëndimi që më erdhi nga Kosova, për asgjë nuk e tradhtoj popullin tim të Kosovës që e ‘dua aq shumë’

Kryeministri Rama përcolli një mesazh urimi video për ndërrimin e viteve, ku, me shumë mesazhe politike brenda, veçoi Schengenin rajonal, për të cilin tha se ishte tejet i lënduar nga reagimi tej kufirit.

“Jam lënduar shumë nga miqtë e mi të Kosovës. Për asgjë nuk e tradhtoj popullin tim të Kosovës që e dua aq shumë. Shengeni rajonal nuk është asnjë plan serb që Serbia të fuqizohet ekonomikisht.

Shengeni rajonal është një domosdoshmëri historike që sot, kur domosdoshmëria jonë dhe jo vetëm e jona, për Shqipërinë dhe Kosovën që të thyejmë barrierën kombëtare për njerëzit, mallrat dhe kapitalet evropian.

Qëndrimi ynë as ka lëvizur dhe as do të lëviz, Shengeni rajonal jo vetëm nuk e dëmton Kosovën, por përkundrazi e ndihmon. Shqipëria ka arritur të bindë Serbinë që të mos kushtëzojë tryezën që ndan tryezën Kosovë-Shqipëri-Serbi. Shengeni rajonal na jep mundësinë të bëjmë atë që nuk e bëmë dot për vite të tëra”, tha Rama.

Tërmeti ishte një tjetër temë trajtimi prej tij në mesazh.