Rrëfehet rusi i kapur rob: Qindra ushtarë refuzuan të sulmojnë Odesën

Prej fillimit të luftës është thënë se motivi i ushtarëve rusë për të luftuar është tejet i vogël, ndërsa plot nga ta janë kapur nga ukrainasit dhe më pas kanë rrëfyer se si nuk kanë dashur të futen në Ukrainë.

Edhe një tjetër rus i zënë rob është rrëfyer sot dhe ka treguar për një ndodhi mjaft interesante, ku sipas tij ushtarët rusë refuzuan të sulmojnë Odesën.

Robi i luftës thotë se 600 marinsa rusë refuzuan të zbrisnin nga anija pranë Odesës për të pushtuar Ukrainën.

Ai gjithashtu informoi veçmas se ushtria ruse ka të ashtuquajturat ‘skuadra qitëse’ – skuadra që ndjekin forcat kryesore të ushtrisë dhe vrasin ata që duan të ikin.

Gjithsesi, nuk dihet sa të sinqertë mund të jenë robërit e luftës, sidomos ata që thonë se nuk e kanë ditur që po shkojnë në luftë dhe tjera gjëra të këtij lloji.