E rezervuar për të dhënë informacione përpara medias, Drejtoresha e Shërbimit Informativ Shtetëror Vlora Hyseni paralajmëroi se agjentura ruse dhe ajo serbe kanë mbajtur një qëndrim armiqësor ndaj Shqipërisë.
Teksa raportoi në Komisionin e Sigurisë për punën e institucionit që drejton gjatë vitit që lamë pas, Hyseni tha se në kuadër të misionit që SHISH-I ka është rritur bashkëpunimi me agjencitë e tjera ligjzbatuese.
“Kemi rritur bashkëpunimin me SPAK, Byronë Kombëtare të Hetimit, Drejtorinë e përgjithshme të Policisë së Shtetit, Prokurorinë e Përgjithshme. Kryesisht jemi fokusuar në operacione që kanë të bëjnë me krimin e organizuar, antiterrorin, spiunazhin ku përfshihet kundërvënia ndaj shërbimeve të inteligjencës ruse, serbe dhe shteteve të tjera”.
Opozitën e cila më herët e ka akuzuar se ka bërë një vizitë sekrete në Beograd, drejtuesja e SHISH-it e ftoi të flasë me fakte.
“Të jemi të rezervuar dhe të flasim me prova e fakte kur akuzojmë për ndonjë aktivitet të Drejtorit të Shërbimit.”
Pavarësisht insistimit të opozitës që mbledhja të zhvillohej me dyer të hapura, raportimi përpara deputetëve të Komiisonit të Sigurisë i drejtoreshës së SHISH-it zgjati pak minuta për shkak të informacionit të klasifikuar që Hyseni tha se përmban raporti për vitin 2023.
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…
Një efektiv i Policisë së Shtetit u vra dhe një tjetër u plagos gjatë një…