“Rusia nis valën e re të pushtimit për 10 ditë”/ Rreth 2000 tanke, 400 avionë dhe mijëra mjete të tjera

Një zyrtar ushtarak ukrainas ka deklaruar se Rusia ka tashmë 1,800 tanke, 3,950 automjete të blinduara, 810 sisteme raketash të epokës sovjetike dhe 400 avionë luftarakë të gatshëm për “një valë të re sulmesh” në ditët në vijim.

Duke folur për Foreign Policy, ai vlerësoi gjithashtu se Rusia ka 300 helikopterë dhe 2700 sisteme artilerie të përgatitura, ndërsa shtoi se pritet që në 10 ditët e ardhshme të nisë një valë e re pushtimi.

Rusia ka fokusuar qindra mijëra trupa në lindje, duke përdorur taktika të forcës brutale dhe valët njerëzore për të avancuar drejt mbrojtjes së Ukrainës.

Mes një rritjeje të kohëve të fundit të luftimeve, disa analistë ushtarakë besojnë se ofensiva ruse tashmë është duke u zhvilluar dhe parashikojnë që ajo të rritet me afrimin e përvjetorit të parë të pushtimit më 24 shkurt.

Jonatan Vseviov, sekretari i përgjithshëm i Ministrisë së Punëve të Jashtme të Estonisë, i tha Foreign Policy: Diçka po përgatitet në lindje. Gjithnjë e më shumë ushtarë rusë po mbërrijnë në front.