Sekretari i Përgjithshëm i NATO-s, Mark Rutte, u tall me deklaratat e djeshme nga Moska, pasi Kremlini iu përgjigj deklaratës së Presidentit të SHBA-së, Donald Trump, se Rusia është një “tigër letre”.
“E kemi dëgjuar Kremlinin gjithë ditën duke thënë: ‘Jo, nuk jemi tigër letre. Jemi ari.’ Epo, e dini, nëse je ari, nuk ke pse ta theksosh se je ari sepse të gjithë do ta vënë re gjithsesi. Kjo tregon shumë dobësi nga pala ruse. Është e qartë se Presidenti Trump ka prekur një nerv”, tha Rutte për Fox News.
Zëdhënësi i Kremlinit, Dmitry Peskov, iu përgjigj më herët fjalëve të Trump duke thënë se Rusia është një ari, jo një tigër.
Ai komentoi gjithashtu pretendimin e Trump se Ukraina mund ta kthejë nën kontrollin e saj të gjithë territorin e pushtuar, duke thënë se “forcat ruse po përparojnë në të gjitha frontet në Ukrainë” dhe se “dinamika e luftës është e dukshme”.
Çfarë tha Trump?
Presidenti i SHBA-së, Donald Trump, tha të mërkurën se vendet anëtare të NATO-s duhet të rrëzojnë aeroplanët rusë që shkelin hapësirën e tyre ajrore. Ai tha gjithashtu se besonte që Ukraina, me mbështetjen e Bashkimit Evropian dhe NATO-s, mund të rimarrë të gjithë territorin që Rusia ka pushtuar që nga fillimi i luftës, megjithëse më parë kishte thënë se si Kievi ashtu edhe Moska do të duhej të hiqnin dorë nga një pjesë e territorit për t’i dhënë fund luftës.
“Pasi e njoha dhe e kuptova plotësisht situatën ushtarake dhe ekonomike të Ukrainës dhe Rusisë, dhe pasi pashë problemet ekonomike që kjo i krijon Rusisë, mendoj se Ukraina, me mbështetjen e Bashkimit Evropian, është në gjendje të luftojë dhe ta kthejë të gjithë Ukrainën në formën e saj origjinale. Me kohë, durim dhe mbështetje financiare nga Evropa dhe veçanërisht nga NATO, kufijtë origjinalë nga ku filloi kjo luftë janë një mundësi e madhe. Pse jo? Rusia ka zhvilluar një luftë të pakuptimtë për tre vjet e gjysmë që një fuqie të vërtetë ushtarake do t’i duhej më pak se një javë për ta fituar. Ky nuk është një kompliment për Rusinë. Në fakt, i bën ata të duken si një ‘tigër letre’”, tha Trump.
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…