Kancelari Olaf Scholz ka thënë të martën se akuza e Recep Tayyip Erdoganit për fashizëm kundër Izraelit ishte “absurde”, disa ditë përpara se lideri gjerman ta presë për bisedime presidentin turk në Berlin.
“Izraeli është demokraci dhe një vend që është i lidhur me të drejtat e njeriut dhe ligjin ndërkombëtar dhe vepron në përputhje me rrethanat. Prandaj, akuzat kundër Izraelit janë absurde”, ka thënë Scholz në një konferencë për shtyp.
Ai po i përgjigjej një pyetjeje në lidhje me komentin e Erdoganit të premten se legjitimiteti i Izraelit “po vihej në dyshim për shkak të fashizmit të tij”.
Erdogan do të zhvillojë bisedime me Scholzin dhe presidentin gjerman Frank-Walter Steinmeier në Berlin.
Por vizita, e para e Erdoganit që nga viti 2020, po rezulton e diskutueshme lidhur me akuzat e liderit turk kundër Izraelit dhe karakterizimin e Hamasit si “çlirimtarë” që luftojnë për tokën e tyre.
Erdogani ka qenë kritik gjithnjë e më i zëshëm i luftës së Izraelit kundër Hamasit, që shkaktoi sulmin vdekjeprurës më 7 tetor, për të cilin Izraeli ka thënë se vrau rreth 1200 njerëz, kryesisht civilë.
Udhëheqësi turk ka akuzuar Izraelin për kryerjen e krimeve të luftës, ndërsa Gaza vazhdon të bombardohet, ku numri i të vdekurve ka shkuar në 11 mijë, sipas autoriteteve shëndetësore të drejtuara nga Hamasi.
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…