Një grup i serbëve nga Leposaviqi e Mitrovica u nisën të mërkurën për të shkuar këmbë në Beograd të Serbisë. Njëjtë kanë bërë edhe disa persona po nga komuniteti serb nga komunat tjera kosovare.
Qëllim e kanë që në kryeqytetin serb të arrijnë më 26 maj, ku presidenti i këtij shteti, Aleksandar Vuçiq, ka ftuar tubim të mbështetësve të tij, ngjarje që ai i dha epitetin si “mitingu më i madh në histori”, raporton Klan Kosova.
Ndërkohë vetë Vuçiqi të mërkurën priti kreun e Kishës Ortodokse Serbe (KOS), patriarkun Porfirije.
Siç njoftoi presidenca serbe, tema kryesore të bisedës ishte ajo që u quajt “situata në Kosovë e vështirësitë që do vijnë për këtë temë”.
Ndërkohë, Petar Petkoviq, kryenegociator i Beogradit në bisedimet e Brukselit me Kosovën, thotë se palës që ai përfaqëson i janë venitur pritjet se ndonjëherë do të themelohet Asociacioni, nga ana e autoriteteve kosovare.
“Presidenti Aleksandar Vuçiq më shumë se pesëdhjetë herë haptas ndërkombëtarëve e ndërmjetësve të dialogut, Lajçakut e Borrellit, ua ka thënë në fytyrë se Prishtina kurrë nuk do ta formojë Asociacionin e Komunave Serbe. E qysh po shkon dialogu ditë pas dite, ju e shihni që Vuçiqi ka të drejtë 100%”, tha Petkoviqi për TV Pink.
Kosova dhe Serbia mbajtën takim në kuadër të dialogut në nivel të kryenegociatorëve të hënën, por ndonjë përafrim qëndrimesh nuk pati për asnjë çështje.
Emisari evropian, Miroslav Lajçak, pas këtij rrethi bisedimesh tha se diskutimet do të vazhdojnë.
Presidenti I Kroacisë, Zoran Milanoviç ka reaguar lidhur me deklaratat e homologut të tij serb,…
Policia është vënë në kërkim të Nexhdet Zymberajt, pronarit të lokalit “My Place” në Gjakovë,…
Kryeministri Albin Kurti e përmendi çështjen e integrimit të sistemit shëndetësor dhe arsimit në kornizën…
Gjakova është tronditur nga një vrasje që ka ndodhur sot në orët e herëshme të…
Zana Guxholli, e ftuar në studion e “Terminal” nga Aurora Sulçe, deklaroi se me nafta…
Një ngjarje e rëndë ka tronditur mëngjesin e sotëm Gjakovën, ku si pasojë e të…