Avionët e fundit amerikanë u larguan nga aeroporti i Kabulit, duke i dhënë fund luftës 20-vjeçare për SHBA-në. Kjo u njoftua nga Pentagoni, ndërsa për të festuar ngritjen e fluturimeve amerikane, talebanët qëlluan në ajër në zona të ndryshme të kryeqytetit afgan. Të shtënat erdhën veçanërisht nga pikat kryesore të kontrollit, ndërsa thirrje gëzimi u dëgjuan nga pozicionet në zonën e dikurshme të gjelbër.
“Tërheqja e sotme do të thotë si përfundimi i evakuimit të materialit ushtarak ashtu edhe fundi i misionit gati 20-vjeçar që filloi në Afganistan menjëherë pas 11 shtatorit”, njoftoi gjenerali Kenneth McKenzie, kreu i komandës qendrore amerikane.
“Është një mision që e solli Osama Bin Ladenin para drejtësisë së bashku me shumë bashkë-komplotistë të Al Kaedës”, vazhdoi ai.
Ai siguroi se nuk ka ushtarë amerikanë në Afganistan, të gjithë ata janë larguar nga vendi, ndërsa mbetur më pak se 250 civilë amerikanë.
Avioni i fundit u ngrit nga Aeroporti Ndërkombëtar i Kabulit në mesnatë me orën afgane. Gjithashtu, në bord ishin ambasadori amerikan dhe një gjeneral, i fundit që u largua nga vendi.
McKenzie shpjegoi mbylljen e misionit amerikan në Afganistan një ditë më herët se afati i paralajmëruar, pikërisht me faktin se në Afganistan tashmë është 31 gusht. Ai tha se talebanët kanë qenë “pragmatikë” dhe “efikasë” dhe se në vend ka të paktën 2 mijë luftëtarë “të ashpër” të ISIS.
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…
Një efektiv i Policisë së Shtetit u vra dhe një tjetër u plagos gjatë një…