Kubeja e një xhamie në ndërtim është shembur në Turqi, duke lënë të bllokuar nën rrënoja një inxhinier.
Kupola e xhamisë Akkent u shemb pasditen e së enjtes, ndërsa për më shumë se 24 orë mbi 250 persona po kërkojnë nën rrënoja inxhinerin, Korkut Kucukcan, të mbetur të bllokuar. Kërkimet po kryhen edhe me ndihmën e qenve, kamerave termike dhe dronëve.
Për fat të mirë, në momentin e shembjes së skelës gjigante prej druri, numri i punëtorëve nuk ishte i madh.
Tashmë, kërkimet për gjetjen e inxhinierit janë relativisht të ngadalta, pasi rreziku mbetet evident për shembje të tjera nga ndërtesa e madhe.
