“Sherr-budallë” – Kosovari mashtrues i shpëton dëbimit nga Zvicra për shkak të inteligjencës së ulët

Një kosovar 25-vjeçar në Zvicër ka një listë të gjatë të mashtrimeve.

Si shembull ai krijoi disa llogari në aplikacionin për transport publik SBB me emra dhe adresa që i gjeti në librin digjital të telefonit. Ai ktheu ato në e-mail adresa dhe kështu ishte në gjendje të blinte bileta dhe të udhëtonte në gjithë Zvicrën – sigurisht në klasën e parë.

Ai porositi artikuj në internet me emra të rrejshëm. Për të gjitha ato u desh të përgjigjej të hënën në Gjykatën e qarkut të Winterthurit, shkruan “Tages-Anzeiger”.

Në gjykatë, prokurori e cilësoi sjelljen e të akuzuarit si keqdashëse, e si dëshmi për energji kriminale.

Kërkoi burgim për tri vjet dhe dhjetë vjet dëbim nga Zvicra.

Diçka e paimagjinueshme për të akuzuarit.

“Një dëbim nga vendi do të ishte katastrofë”, thotë ai.

Ai në moshën trevjeçare u largua nga Kosova me familjen. Nuk ka lidhje me Kosovën, nuk ka as familje atje dhe mezi flet shqip.

Në gjykatë u tha se në Zvicër ai kishte probleme me shkollën dhe nuk kreu shkollimin. Në vend të kësaj, ai kishte shkuar rrugëve të gabuara. U tha se ka një IQ 70 dhe vuan nga një personalitet i papjekur. Kryetari i gjykatë tregoi mirëkuptim dhe gjykoi në përputhje me rrethanat.

U tha se i akuzuar është treguar më i përgjegjshëm, është paraqitur në gjitha terminet për psikoterapi që i ishin përshkruar, nuk kishte bërë asnjë mashtrim për dy vjet e gjysmë dhe kishte shlyer një pjesë të dëmit financiar.

Nuk iu dha dënim me dëbim nga Zvicra. Por, u dënua me 36 muaj burgim, nëntë prej të cilave duhet të vuajë me çdo kusht. Por, pasi ka shërbyer atë periudhë, ai është lënë i lirë. Ai duhet të vazhdojë të bëjë terapi edhe për pesë vjet.