Më shumë se dy muaj kishte qëndruar në një qeli me Astrit Deharin. Naser Makolli kishte vuajtur dënimin me aktivistin e Lëvizjes Vetëvendosje prapa grilave në Qendrën e Paraburgimit në Prizren, ku kishte ndërruar jetë Dehari.
Kjo kishte bërë që nga kjo qeli, ti largonin për në qendra të tjera të paraburgosurit e tjerë.
Kështu, Naser Makolli ishte transferuar në Qendrën e Paraburgimit në Lipjan.
Por, ende pa u bërë pesë muaj nga vdekja e Astrit Deharit, brenda qelisë së burgut vdiq edhe Makolli.
Sipas Shërbimit Korrektues, vdekja e Naser Makollit kishte ndodhur si pasoj e komplikimeve shëndetësore.
Por, me një version të tillë nuk po pajtohet Hysen Makolli, vëllai i Naserit.
Ky dyshon si vëllai i tij ishte helmuar gjatë marrjes në pyetje.
Hysen Makolli, thotë se vëllai i tij dinte shumë gjëra në lidhje me rastin e Astrit Deharit.
Makolli thotë se nga ajo që i kishte treguar vëllai i tij gjatë vizitave kanë qenë të frikësuar dhe për çdo natë kanë bërë roje.
Ndërkohë e emocionuar ende për vdekjen e burrit është gruaja e Naserit, Syzana.
Ajo flet për një bllok të shënimeve që e kishte gjetur në teshat e bashkëshortit e në të cilin kishte një numër dhe adresë.
Tani, avokati i familjes Makolli, Tomë Gashi ka parashtruar kërkesë për nisje të hetimeve në Prokurorinë Speciale për këtë rast.
Naser Makolli kishte vdekur në prill të vitit 2017.
Policia e Kosovës ka sekuestruar një veturë me targa të huaja në Gjakovë, pasi e…
Presidenti rus, Vladimir Putin, ka pranuar se sulmet e vazhdueshme ukrainase ndaj infrastrukturës strategjike ruse…
Kryeministri i Pakistanit, Shehbaz Sharif, ka bërë të ditur se negociatat ndërmjet Shteteve të Bashkuara…
Forcat amerikane rrëzuan shumë drone sulmuese iraniane me një drejtim që po shkonin drejt ngushticës…
Elon Musk u bë të premten trilioneri i parë në botë, pasi aksionet në kompaninë…
Presidenti amerikan Donald Trump ka deklaruar se, në një skenar përballjeje me Iranin, preferenca e…