Kryeministri i vendit Edi Rama ka vizituar familjen e 18-vjeçarit Anri Kashikut, i cili mbeti i mbytur ditën e djeshme teksa shpëtoi 2 jetë të tjera.
I shoqëruar nga Ministrja e Turizmit Mirela Kumbaro, Kryeministri Rama ka zhvilluar një bisedë të shkurtër me të atin e 18-vjeçarit të ndjerë. Rama i ka shprehur ngushëllimet për humbjen e madhe babait të të ndjerit dhe i ka dorëzuar statusin e “Dëshmorit të Atdheut” për 18-vjeçarin hero.
Gjatë bisedës me kryeministrin e vendit, i ati i Anri Kashikut mes dhimbjes është shprehur se është krenar për të birin që nuk jeton më.
“Sipas ligjit të ri që kemi bërë ne dhe që lidhet me aktet e herozimit, se ai shpëtoi dy jetë, ai shpallet “Dëshmor i Atdheut”– tha Kryeministri Rama.
Anri Kashiku, nuk u mendua dy herë teksa pa se i vëllai dhe shoku i tij po rrezikonin të mbyteshin. Ai shkoi fillimisht me pedalonë për të shpëtuar të miturit, por në një moment edhe mjeti filloi të mbytej. Kashiku vendosi të mos e marrë mjetin, duke shkuar të shpëtojë vëllain dhe shokun e tij me not. Ai arriti t’i shpëtonte dy adoleshentët, por në këtë përpjekje shpëtimi i riu humbi jetën.
Vëllai i Anri Kashiut ka qenë i pranishëm në tryezë në gjendje të mirë shëndetësore.
Irani ka lëshuar raketa balistike drejt bazave ushtarake amerikane në Kuvajt dhe Bahrejn, pasi Shtetet…
Në rrjetet sociale kanë nisur të qarkullojnë video të prodhuara me inteligjencë artificiale, në stilin…
Izraeli vendosi fshehurazi njësi elitare ushtarake dhe të inteligjencës në Azerbajxhan gjatë luftës me Iranin,…
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…