“Pusho shqip”. Kjo është motoja e këtij sezoni turistik të pazakontë në Shqipëri, ku pandemia e koronavirusit detyron turizmin patriotik. Pushimet e verës në Shqipëri dhe të dimrit në Kosovë! Ky ka qenë rekomandimi i thjeshtë që është bërë të mërkurën në plazhin e Shëngjinit, ku është zyrtarizuar sezoni i përbashkët turistik Shqipëri-Kosovë.
Zyrtarizimi i sezonit mes Shqipërisë e Kosovës bën bashkë në Shëngjin përfaqësues të të dy qeverive. Në takim ishte i pranishëm ministri i Tregtisë dhe Industrisë në Qeverinë Hoti, Vesel Krasniqi, ministri i Turizmit dhe Mjedisit të Shqipërisë, Blendi Klosi, kryetari i Bashkisë së Lezhës, Pjerin Ndreu, kryetari i Komunës së Prizrenit, Mytaher Haskuka, etj.
“Ftoj të gjithë qytetarët e Kosovës që pushimet e tyre t’i kalojnë në Shqipëri, dhe u bëj thirrje qytetarëve shqiptarë që pushimet dimërore t’i kalojnë në Kosovë”, bëri thirrje ministri Krasniqi.
Për ministrin Blendi Klosi, veç njohjes së bukurive të dy vendeve, ky sezon do të jetë edhe vlerësim për biznesin shqiptar që ka investuar qindra miliona euro në këtë sektor. “Të gjithë së bashku të urojmë një sezon të mirë për Shqipërinë. Kurrë më shumë sesa sot ne na duhet të jemi bashkë për të luftuar një armik të padukshëm, që po lufton dukshëm industrinë e turizmit”, tha Klosi.
Irani ka njoftuar se ka pezulluar operacionet ushtarake kundër Izraelit, por ka paralajmëruar se do…
Zgjedhjet e parakohshme parlamentare të mbajtura dje në Kosovë kanë regjistruar pjesëmarrjen më të ulët…
Numërimi i afrohet 100 përqëindëshit: LVV 43,03 %, PDK 21.21 %, LDK 17.68 % dhe…
Lëvizja Vetëvendosje vazhdon të prijë në rezultatet preliminare të procesuara nga Komisioni Qendror i Zgjedhjeve…
Sot në Kosova janë mbajtur zgjedhjet e jashtëzakonshme parlamentare. Lidhur me këtë, është publikuar Exit…
Pamje të nxjerra jashtë kontekstit, imazhe të krijuara me Inteligjencë Artificiale dhe narrativa gjeopolitike u…