Shqipëria merr kryesimin e OSBE-së, Rama: Mundësi e jashtëzakonshme për ta bërë Shqipërinë të shkëlqejë

Kryeministri Rama dhe ministri i Jashtëm, Gent Cakaj ishin të pranishëm në takimin e Ministrave të Jashtëm të OSBE, ku për herë të parë Shqipëria mori kryesimin e kësaj organizate.

Synimi i Shqipërisë, garantoi Rama, do të jetë çuarja përpara me reformat, ndërsa e cilësoi rastin si historik për vendin tonë.

“Ky është një moment historik dhe inspirim për Shqipërinë. Ka shumë vendime kyçe me të cilat ne nuk kemi marrëveshje të qëndrueshme. Ka në fakt shumë çështje që kanë të bëjnë jo vetëm me termat e politikës, por edhe sigurisë. Shohim edhe në këtë tryezë ka qasje të ndryshme. Do të bëjmë të pamundurën për të parë përpara. Marrja e Presidencës, është një hap i jashtëzakonshëm. Do të fokusohemi duke implementuar së bashku koordinimin e të gjitha politikave tona për të rritur kredibilitetin. Nëse doni paqe në Europë duhet të implementohen edhe elementë të tjerë. Duke monitoruar zgjedhjet dhe mbështetur reformat, puna e OSBE-së ka qenë ngushtësisht e lidhur me njerëzit. Përsa i përket edhe vijimit të dialogut, kjo është e vetmja mënyrë për të rindërtuar besimin mes nesh. Korrupsioni dëmton prosperitetin e të gjithë rajonit, së bashku me kërcënimet e tjera. Do të luftojmë korrupsionin. Nder dhe përgjegjësi e madhe drejtimi i kësaj organizate ndërkombëtare të dorës së parë, si edhe mundësi e jashtëzakonshme për ta bërë Shqipërisë të shkēlqejë në krye të punëve të mëdha e të sfidave të posaçme të OSBE”, u shpreh kryeministri Edi Rama.