Jeff Bezos, njeriu më i pasur në historinë moderne botërore, është bërë edhe më i pasur pasi aksionet e Amazon kanë kërcyer ndjeshëm pas lajmeve se Pentagoni po anulon një marrëveshje të diskutueshme kompjuterike me gjigantin e teknologjisë amerikane Microsoft.
Aksionet e Amazon u rritën 4.7 për qind pasi Pentagoni njoftoi ndërprerjen e kontratës, e cila rriti pasurinë neto të Bezos me 8.4 miliardë dollarë në vetëm një ditë.
Bezos, i cili dha dorëheqjen zyrtarisht si shefi ekzekutiv i Amazon në fillim të kësaj jave, por mbajti një 10.3 përqind të aksioneve në kompani, tani vlen 211 miliardë dollarë, një rekord historik që kur Bloomberg filloi të gjurmonte pasurinë neto në 2012 të miliarderëve botërorë.
Ndryshimi i mjedisit teknologjik
Niveli rekord i mëparshëm, prej 210 miliardë dollarë, u mbajt shkurtimisht nga CEO i Tesla-s Elon Musk në janar të këtij viti, por pasuria e tij që atëherë ka rënë në “vetëm” 181 miliard dollarë, duke e bërë atë personin e dytë më të pasur në botë, përpara Bernard Arnault, i cili është “i rëndë” 168.5 miliardë dollarë.
Pentagoni njoftoi të martën se po përfundon një marrëveshje kompjuterike prej 10 miliardë dollarësh, e njohur si Ndërmarrja e Përbashkët e Infrastrukturës së Mbrojtjes (JEDI), të cilën e nënshkroi me Microsoft në 2019.
“Për shkak të ndryshimit të mjedisit teknologjik, është bërë e qartë se kontrata JEDI, e cila është vonuar për një kohë të gjatë, nuk plotëson më kërkesat për plotësimin e boshllëqeve në kapacitetin e Ministrisë së Mbrojtjes,” tha Pentagoni në një deklaratë
Ankesa e Amazon për Trump
Kjo mund të nënkuptojë që Ministria e Mbrojtjes po përgatitet të ndajë punën e zhvillimit të teknologjisë së saj të kompjuterit cloud midis Microsoft dhe Amazon, si dhe kompanive të tjera të teknologjisë kibernetike, thuhet në tekst.
Amazon është ankuar në mënyrë të përsëritur për vendimin e ish-presidentit amerikan Donald Trump dhe administratës së tij për t’i dhënë kontratën Microsoft, duke vlerësuar se ishte e motivuar politikisht.
Marrëveshja ishte “ngrirë” pasi Amazon ngriti një proces gjyqësor duke sfiduar zgjedhjen e Trump dhe duke pretenduar se për shkak të armiqësisë së tij ndaj Bezos, ai bëri presion ndaj zyrtarëve ushtarakë për t’ia besuar punën Microsoft, jo Amazon.
