“Siparantumi” ka goditur në shenjë. Kori i Kosovës është fitues i dyfishtë në më të madhen garë botërore të koreve. Ka triumfuar në të dyja kategoritë në edicionin e 12-të të “World Choir Games” në Korenë e Jugut.
“Ju njoftojmë se kori ‘Siparantum’ sot fitoi dy medale të arta në World Choir Games në Republikën e Koresë. Në kategoritë ‘Mixed Choir’ dhe ‘Musica Contemporanea’, ne shfaqëm performancë të jashtëzakonshme dhe u vlerësuam me medale të merituara”, ka shkuar “Siparantumi” pak minuta më parë. Ky triumf është dëshmi e radhës për nivelin e “Siparantumit”, që çoi emrin e Kosovës në mesin koreve nga të katër anët e botës.
“Ky sukses tregon potencialin tonë të madh dhe përkushtimin e anëtarëve të korit. Jemi tejet të lumtur për këtë sukses, dhe krenarë që përfaqësuam Kosovën në këtë garë prestigjioze”, ka shkuar në rrjete sociale.
