Dmitry Peskov, zëdhënësi i presidentit të Rusisë Vladimir Putinit, ka thënë se situata po “përshkallëzohet” në rajonin e Donbasit, duke iu referuar “potencialit të madh të goditjes së forcave ukrainase”.
Ai tha se Putini nuk i është përgjigjur ende Dumës ruse për njohjen e të ashtuquajturave “republika popullore” të Donetskut dhe Luhanskut.
Të martën Duma i bëri thirrje Putinit që ta njohë pavarësinë e tyre. Një veprim i tillë do ta shkatërronte çdo shpresë për paqe nëpërmjet marrëveshjeve të Minskut, kanë thënë udhëheqësit perëndimorë.
Peskov akuzoi gjithashtu NATO-n për kryerjen e “agresionit të informacionit të pambuluar kundër Rusisë”.
