Ukraina ka lëshuar mbi 30 dronë që synonin Moskën herët mëngjesin e së dielës, duke detyruar autoritetet ruse të mbyllin përkohësisht dy nga aeroportet e kryeqytetit.
Goditja e Kievit është konfirmuar nga zyrtarët rusë. Kryebashkiaku Sergei Sobyanin tha se 12 dronë u shkatërruan në rajonet Ramenskoye dhe Kolomensky të Moskës, si dhe në qytetin e Domodedovo, në jugperëndim të kryeqytetit rus.
“Sipas informacioneve paraprake, nuk ka dëme apo viktima në vendin e rënies së dronëve. Shërbimet e urgjencës ndodhen në këto lokacione”, tha Sobyanin në aplikacionin Telegram.
Megjithatë, videot që qarkullojnë tregojnë makina të përfshira nga flakët. Distrikti Ramenskoye, rreth 45 kilometra në juglindje të Kremlinit, u shënjestrua për herë të fundit në shtator në ofensivën më të madhe të Ukrainës në kryeqytetin rus.
Sakaq, Rosaviatsia, agjencia federale e transportit ajror të Rusisë, thotë në Telegram se “për të garantuar sigurinë e fluturimeve të avionëve civilë, janë futur kufizime të përkohshme në funksionimin e aeroporteve Domodedovo dhe Zhukovo, duke filluar nga ora 5:30 e mëngjesit”.
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…
Një efektiv i Policisë së Shtetit u vra dhe një tjetër u plagos gjatë një…